REVISTA ESCOLAR "O ESTOUPIDO nº10"

 

CELEBRAMOS O DÍA DAS LETRAS E OS MAIOS.

 

O pasado luns, véspera do día das Letras Galegas aproveitamos para facer a fermosa celebración dos MAIOS, a chuvia non impediu que gozáramos dunha xornada chea de ilusión, na que as rimas, as flores e a música non nos deixaron indiferentes se non con máis gañas e ilusión de facer cousas xuntos, porque é así como mellor saben e como máis se desfrutan. Moitas grazas a todos e a todas os que facedes posible estas actividades.

Deixamos aquí os enlaces para poder visionar un pequeno resumo deste bonito día.

LETRAS GALEGAS E MAIOS

 

VISITA DOS FOLLATEIROS E AS FOLLATEIRAS DE LOBIOS

 Onte, venres día 18 de febreiro, tivemos a sorte de coñecer de cerca o entroido de Lobios. A pesar do tempo puidemos desfrutar dun día festivo cheo de ledicia e ata houbo quen se animou a botar unha baila.

Aquí podedes ver un resumo de toda unha mañán de entroidada. 

ENTROIDO 2022

Como xa sabedes este ano a mostra do entroido chega desde Lobios coa imaxe dos FOLLATEIROS.

O día 18 de febreiro, se a situación epidemiolóxica e o tempo o permiten contaremos coa visita da mostra no noso centro. Un grupo de follateiros e follateiras achegaranse desde Lobios para ensinarnos o seu traxe tradicional, facendo unha exhibición para todas as nenas e nenos do Lamas. Para que isto sexa posible deseñamos un croquis onde se indica o lugar que debe ocupar cada grupo, respectando os grupos burbulla tal e como se especifica no protocolo COVID.  

Ese día, 18 de febreiro, poderemos vir disfrazados á escola con atuendos tradicionais de entroido, ben sexa de follateiros, velliños, velliñas, oficios, etc.

O día 25 de febreiro pecharemos a celebración do entroido e cada quen poderá vir disfrazado como queira, tendo en conta que os disfraces non deberán ter como complementos espadas, pistolas, ou obxectos colgados do corpo e sempre e en todo caso serán cómodos e prácticos para as crianzas. 

Durante a semana do 21 ao 25 de febreiro poderemos seguir os mandados do noso MECO, onde nos desafía cun reto para cada día.

CRONOGRAMA DA IX MOSTRA DO ENTROIDO.

PARTE I: SALÓN DE ACTOS DO CIFP COMPOSTELA.

. 10:00 Presentación da IX Mostra do Entroido.

. 10:05 Benvida dos Xenerais da Ulla.

. 10:10 Presentación da actividade-exposición e dos participantes.

. 10:15 Incorpóranse ao escenario os participantes para exhibir indumentarias de follateiros e follateiras.

. 10:16 Exposición sobre tradición, recuperación e desenvolvemento do Entroido de Lobios.

. 11:00 Remate da 1ª parte da actividade, agradecementos aos colaboradores e participantes. Actuación de Abadiño Son.

. 11:10 Saída cara os centros veciños:

               11:15 CEIP Lamas de Abade.

               11:40 EEI Raiola.

               11:55 CEE ASPANAES.

               12:15 IES  Lamas de Abade.

               12:40 CIFP Compostela.

* Estes horarios son orientativos. 

PARTE II: POLA ALDEA DE LAMAS DE ABADE.

Representación do Entroido de Lobios co acompañamento musical do grupo Abadiño Son.

               11:15 CEIP Lamas de Abade.

               11:40 EEI Raiola.

               11:55 CEE ASPANAES.

               12:15 IES  Lamas de Abade.

               12:40 CIFP Compostela.

. 13:00 Remate da actividade e agradecementos.

. 13:05 Degustación gastronómica tradicional de Entroido elaborada polo profesorado e alumnado dos depatamentos de Hostalería e Turismo e Industrias alimentairas.

NOTA: distribuiranse caixas con escolma de especialidades do Entroido a cada centro participante.

. 13:30 Fin da actividade.

CROQUIS E DISPOSICIÓN DOS GRUPOS NA ESCOLA.

MANDADOS DO MECO.

IX MOSTRA DO ENTROIDO

Como cada ano o noso centro participa coas demais escolas da contorna na Mostra do Entroido.

A mostra deste ano chéganos dende a Baixa Limia. Serán os Follateiros de Lobios os que nos conquisten cos seus extraordinarios traxes feitos a partir de materiais naturais, como o millo.

A figura do follateiro saía a correr polos pobos no Entroido, facendo algunhas trasnadas animando as xentes ante a chegada do novo ciclo da terra: a primavera. Como a roupa que tiñan para correr o Entroito era somentes farrapos, adornábanse coséndolle follatos do millo para tapar os rotos, e logo facendo colares, cintos e corpiños cos carozos, levando tamén colgadas as espigas raíñas, e millo de cores, cos que se fan as máscaras.

O material que se precisa son principalmente os follatos de millo, que se recollen no tempo seco, para que non teñan moho. Os carozos para facer os cintos e corpiños, xunto cun cordel para tecelos. O millo de cores para facer as máscaras.

Sería necesario contar co seguinte:

- Un pantalón ou saia vella.

- Unha blusa ou camisa branca.

- Unha toquilla (mulleres) ou capa (homes).

- Chapeos (de palla, ou mesmo de plástico ou cartón).

- Máscara branca de cartón.

- Calcetíns de lá.

- Zocos ou botas de imitación ou coiro.

Como é complicado coser tantos follatos o que nos din desde a Asociación de Follateiros de Lobios é que as pegan cunha pistola de silicona térmica, para facer o proceso máis rápido e seguro.

AS ANDANZAS DOS MONIFATES E DON GAIFEROS

O pasado mércores 19 de novembro o alumnado de 2º de primaria asistiu ao espectáculo de "Os Monifates" un peculiar carromato tirado por dous músicos ambulantes que percorren vilas e pobos cunha importante misión, a de amosar a música e instrumentación da cultura galega. Na súa viaxe fóronse formando os máis diversos e peculiares bailaríns (monicreques), integrando así música e monicreques nun espectáculo no que o alumnado gozou moito. Esta singular troupe está formado polo porco Antón, os bailaríns Xaquín e Maruxa, Saturno e Leonor, o galo Farruco e os Barbanzóns.

Grazas á Secretaría Xeral de Política Lingüística e á coordinadora territorial dos EDLG da provincia da Coruña, por achegarnos este espectáculo.